डर राम्रो हुन्छ
✍️ श्याम गोंइजिहार
घरमा श्रीमतीको डर,
कार्यालयमा हाकिमको डर,
जंगलमा बाघको डर,
डर हुनु पर्छ,
डर राम्रो हुन्छ ।।
म हुनुको डर,
म नहुनुको डर,
डर हुनु पर्छ,
डर राम्रो हुन्छ ।।
फगत बदनाम छ डर,
डर छ भने अपनत्व छ,
डर छ भने भातृत्व छ,
डर छ भने अस्तित्व छ,
डर हुनु पर्छ,
डर राम्रो हुन्छ ।।
मरेको मानव चिन्तामुक्त हुन्छ,
मृत मानव डरमुक्त हुन्छ,
चिन्ता नगर्दा न डराउदा मानव मर्छ,
डर हुनु पर्छ,
डर राम्रो हुन्छ ।।
){kind=link}
0 Comments